AP: ఆంధ్రప్రదేశ్‌లో ఎంపీటీసీ, జెడ్పీటీసీ ఎన్నికల నిర్వహణకు సంబంధించిన కసరత్తు వేగం పుంజుకుంది. ఎన్నికల ప్రక్రియలో భాగంగా రాష్ట్ర ఎన్నికల సంఘం ఓటర్ల జాబితాలు, పోలింగ్ కేంద్రాల ఏర్పాటుపై ప్రత్యేకంగా దృష్టి సారించింది. ఇందుకు సంబంధించి అధికారులు వరుసగా కీలక తేదీలతో కార్యాచరణను సిద్ధం చేశారు.
ఈ నెల సెప్టెంబర్ 11న ఫొటోతో కూడిన ఓటర్ల జాబితాలను ప్రదర్శించనున్నారు. అనంతరం పోలింగ్ కేంద్రాల ఎంపిక ప్రక్రియ చేపట్టనున్నారు. సెప్టెంబర్ 14న పోలింగ్ కేంద్రాల ముసాయిదా జాబితాను సిద్ధం చేసి, 15న అధికారికంగా ప్రచురించనున్నారు.
ముసాయిదా జాబితాపై సెప్టెంబర్ 15, 16 తేదీల్లో అభ్యంతరాలను స్వీకరిస్తారు. అలాగే సెప్టెంబర్ 16న రాజకీయ పార్టీల ప్రతినిధులతో సమావేశం నిర్వహించి వారి అభిప్రాయాలను తీసుకోనున్నారు.
అభ్యంతరాలు, సూచనలను పరిశీలించిన అనంతరం సెప్టెంబర్ 18న జిల్లా కలెక్టర్ల ఆమోదం తీసుకోనున్నారు. ఆ తర్వాత సెప్టెంబర్ 19న పోలింగ్ కేంద్రాల తుది జాబితాను అధికారికంగా ప్రచురించనున్నారు.
ఈ పరిణామాలతో రాష్ట్రంలో స్థానిక సంస్థల ఎన్నికల ప్రక్రియకు సంబంధించిన ఏర్పాట్లు క్రమంగా ముందుకు సాగుతున్నాయి. అయితే ఎన్నికల నోటిఫికేషన్, పోలింగ్ తేదీలపై స్పష్టత రావాల్సి ఉంది.
