ఫ్రాన్స్ రాజధాని పారిస్‌లో జరుగుతున్న అంతర్జాతీయ అంతరిక్ష సదస్సులో ప్రధాని నరేంద్ర మోదీ కీలక వ్యాఖ్యలు చేశారు. ప్రపంచవ్యాప్తంగా అంతరిక్ష కార్యకలాపాలు వేగంగా విస్తరిస్తున్న నేపథ్యంలో దేశాల మధ్య పోటీ, ఘర్షణలకు బదులుగా పరస్పర సహకారం అవసరమని ఆయన స్పష్టం చేశారు.
అంతరిక్ష కక్ష్యలు రోజురోజుకూ రద్దీగా మారుతున్నాయని పేర్కొన్న మోదీ.. భవిష్యత్ తరాల అవసరాలను దృష్టిలో ఉంచుకుని అంతరిక్ష వనరులను బాధ్యతాయుతంగా వినియోగించాల్సిన అవసరం ఉందన్నారు.
స్వల్పకాలిక ప్రయోజనాల కోసం నిర్ణయాలు తీసుకోవడం కంటే దీర్ఘకాలిక సుస్థిరతకు ప్రాధాన్యత ఇవ్వాలని దేశాలకు సూచించారు. అంతరిక్ష రంగంలో శాంతియుత సహకారం, బాధ్యతాయుత వినియోగం, సమన్వయం పెరగడం ద్వారా ప్రపంచ దేశాలన్నీ ప్రయోజనం పొందగలవని మోదీ పేర్కొన్నారు.
