AP: తూర్పు గోదావరి జిల్లా కొవ్వూరు సమీపంలో శుక్రవారం గూడ్స్‌ రైలు పట్టాలు తప్పింది. దీంతో ఈ మార్గంలో రైళ్ల రాకపోకలకు అంతరాయం ఏర్పడింది. ఘటనతో ప్రయాణికులు ఇబ్బందులు ఎదుర్కొన్నారు.
సమాచారం అందుకున్న రైల్వే అధికారులు, సిబ్బంది వెంటనే ఘటనా స్థలానికి చేరుకుని పట్టాలు తప్పిన రైలును పునరుద్ధరించే పనులు చేపట్టారు. రైలు పట్టాలు తప్పడానికి కారణమేంటన్న దానిపై అధికారులు విచారణ చేస్తున్నారు. మరమ్మతు పనులు పూర్తయ్యే వరకు రైళ్ల రాకపోకలపై ప్రభావం కొనసాగే అవకాశం ఉంది.
